Lojtarët e Kombëtares së Brazilit i kanë dalë në mbështetje bashkëkombësit të tyre, Vinicous Junior, i cili u kritikua për lëvizjet vallëzuese që bëri, pasi i shënoi gol Atletico Madridit.
Agjenti kryesor spanjoll, Pedro Bravo, tha se Vinicius nuk po respektonte kundërshtarët e tij me mënyrën e festimit, duke e krahasuar sjelljen e tij me atë të një majmuni – gjë që ngjalli menjëherë reagime në mediat sociale.
Lojtarët brazilianë, si Neymar, Thiago Silva, Raphinha e Lucas Paqueta, postuan në rrjete sociale fotografi të momentit të festimit të golit, duke shkruar fjali përkrahëse për 22-vjeçarin.
Deklaratave mbështetëse iu bashkua edhe legjenda braziliane, Pele, njofton Klankosova.tv.
Futbolli është kënaqësi. Është një vallëzim. Është një festë e vërtetë. Edhe pse racizmi ekziston ende, ne nuk do ta lejojmë atë të na ndalojnë së buzëqeshuri. Dhe ne do të vazhdojmë ta luftojmë racizmin në këtë mënyrë: duke luftuar për të drejtën tonë të jemi të lumtur”, ka shkruar Pele.
