Premier Liga angleze i rikthehet sot aksionit me disa ndeshje tejet interesante, ku spikat derbi i Londrës Veriore mes Arsenalit dhe Tottenhamit.
Arsenali dhe Tottenhami përballen sot në stadiumin “Emirates”, ku të dy skuadrat i ndanë vetëm një pikë në tabelë.
Në ndeshjen e fundit të zhvilluar në kampionatin anglez, Arsenali mposhti Brentfordin me rezultat 3:0, kurse Tottenhami e shkatërroi me rezultat 6:2 Leicester Cityn.
Momentalisht, Arsenali zë vendin e parë në tabelë me 18 pikë, krahas Tottenhamit që renditet i treti me 17 pikë.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për “Topçinjtë” nuk do të paraqiten Elneny, Smith-Rowe dhe Cedric, kurse te Tottenhami mungojnë Davies, Kulusevski dhe Lucas Moura.
Tanimë Arteta dhe Conte kanë vendosur se me cilët lojtarë do ta fillojnë ndeshjen e sotme, dhe formacionet zyrtare i gjeni më poshtë.
Arsenali (4-2-3-1): Ramsdale; Zinchenko, Gabriel, Saliba, White; Xhaka, Partey; Martinelli, Odegaard, Saka; Jesus
Tottenhami (3-4-2-1): Lloris; Romero, Dier, Lenglet; Emerson Royal, Hojbjerg, Bentancur, Perisic; Richarlison, Son; Kane
