“FIFA 23” është versioni i fundit i lansuar në treg nga “EA Sports”.
Tashmë dihen vlerësimet për të gjithë futbollistët, me të cilët mund të luanin video-lojën më të famshme të futbollit.
Nga futbollistët e Kosovës, Amir Rrahmani është më i vlerësuari në “FIFA 23”.
Vlerësimi i përgjithshëm i kartës së kapitenit të Kombëtares së Kosovës, i cili është një prej futbollistëve kryesorë edhe te Napoli, është 80.
Pas tij renditet sulmuesi që aktivizohet te Mallorca, Vedat Muriqi, me një vlerësim të përgjithshëm – 75.
74 është vlerësimi i përgjithshëm për Milot Rashicën, Edon Zhegrovën dhe Mërgim Vojvodën, kurse 73 për Arbër Zeneli.
Në listë ka edhe futbollistë që janë nga Kosova, por që nuk përfaqësojnë Kombëtaren tonë – të paktën jo deri më tani.
