Drita e Gjilanit është në formën me të mirë, për 10 ndeshje ka 7 fitore e 3 barazime në elitën e futbollit të Kosovës.
Drita nuk njeh rival, demolon me rezultat 3:1 edhe Trepçën ’89 të Mitrovicës në kuadër të javës së 10-të.
Ndeshja u zhvillua në stadiumin ndihmës në Gjilan, ndërsa ’89-shi pas angazhimit ka shënuar golin e nderit në minutën e 90+3 përmes futbollistit Muja.
Për fitoren e Dritës shënuan Muharrem Jashari (7'), Besnik Krasniqi (54'- nga penalltia), Ardit Tahiri (70').
Skuadra nga Gjilani kryeson me 24 pikë dhe Trepça ’89 është në vend të gjashtë me 9 sosh.
Me 12 tetor Drita luan me Ferizajn dhe Trepça '89 e pret Gjilanin.
