Sulmuesi i Kombëtares së Kosovës, Vedat Muriqi vazhdon me performancën e shkëlqyer në La Liga.
Ylli i ‘Dardanëve’ mbrëmë shënoi sërish gol. Muriqi realizoi nga pika e bardhë, duke ia siguruar një pikë Mallorca në udhëtim tek Elche, derisa kosovari dështoi nga penalltia në pjesën e parë.
Javier Aguirre, trajner i Mallorca, pas ndeshjes tha se është i lumtur me paraqitjen e Muriqit.
“Gjatë pushimit të pjesës së parë i kam thënë Muriqit që ta godiste sërish penalltinë nëse do të akordohej.
I besoj plotësisht dhe duhet kuptuar se në rastin e parë portieri ka bërë një pritje madhështore”, tha Aguirre.
Goli i mbrëmshëm ishte i katërti për Muriqin këtë sezon të garave me Mallorcan.
