Një ndeshje me plot ulje-ngritje ishte ajo e Vedat Muriqit ndaj Elche.
Fillimisht sulmuesi shqiptar humbi penalltinë në minutën e 12-të. Në minutën e 71-të, kur skuadra ishte duke humbur me rezultatin 1-0, Muriqi realizoi nga 11-metërshi, duke kompensuar gabimin e bërë në fillimin e lojës.
Megjithatë, për nerva të momentit, sulmuesi i Kosovës u ndëshkua me kartonin e keq në të 87-tën, duke e lënë skuadrën me 10 lojtarë. Fatmirësisht për 28 vjeçarin, skuadra nuk pësoi tjetër gol.
Edhe pse ishte lojtari më i kritikuar i ndeshjes, skuadra e Mallorcas i dhuroi mbështetjen e plotë Vedat Muriqit. “Ngrije shpirtin, pirat”, ka shkruar Mallorca në rrjetin social “Twitter”.
