Argentinos Juniors ëndërron goditjen e madhe: të ketë Cristiano Ronaldon për Kupën e radhës Libertadores, në të cilën skuadra argjentinase u kualifikua falë 67 pikëve dhe vendit të katërt në renditje.
Gjithçka nisi nga rrjetet sociale dhe tifozët e klubit të Amerikës së Jugut, të cilët më pas vendosën të publikojnë një foto të CR7 me fanellën e skuadrës dhe shprehjen: “Ëndërr e madhe”.
Thashethemet nisën në Tëitter, me fansat që krijuan hashtagun #elbichoalbicho. U bë më serioze kur vetë Argentinos postoi një imazh me Ronaldon dhe fanellën e tij me numrin 7, në ngjyrat e klubit.
Në vitin 2021, skuadra argjentinase provoi një tjetër goditje të mrekullueshme, gjithmonë për të përballuar më mirë Kupën Libertadores: për të nënshkruar me brazilianin Alexandre Pato. Ish-futbollisti i Milanit, megjithatë, në fund preferoi dollarët e Orlando dhe MLS.
Nënshkrimi me Ronaldon duket si një utopi, shkruan Clarin, pavarësisht se portugezi është i pakënaqur tek Manchester United. Ekonomia argjentinase nuk udhëton me shpejtësi të madhe. Dhe pagesa e rrogës së ish-lojtarit të Juventusit nuk duket e mundur për argjentinasit.
Në fund, skuadra e Gabriel Militos ka të ngjarë të kënaqet me përforcime “më tokësore”, por ëndrra nuk kushton asgjë.
