Dukagjini ka shënuar fitore të thellë ndaj Malishevës, me rezultat 4-0 në “18 Qershori”.
Ishte kjo një humbje e rëndë për Malishevën në xhiron e 15-të të Albi Mall Superligës.
Trajneri i Malishevës, Sami Sermaxhaj pas ndeshjes tha se goli i minutës së fundit në pjesën e parë ishte “vrasës” për ekipin e tij.
“U munduam të riorganizohemi pas kartonit të kuq, por goli në minutat shtesë të pjesës së parë ishte vrasës për ne.
Pastaj në pjesën e dytë megjithëse kishim idenë të barazojmë rezultatin futëm forca sulmues dhe nuk rezultuan pozitivisht. 2:0 me një lojtar më pak në fushë ishte fundi i ndeshjes dhe nuk na la më hapësirë të bëjmë ndryshime”
“Fitore me plotë meritë, por ishte e arritur për shkak të kartonit të kuq. Humbëm ndeshjen thellë, por që nga nesër do të mobilizohemi për ndeshjet e radhës”, ka thënë Sermaxhaj.
