Para ndeshjes miqësore Shqipëri-Itali në Air Albania, ndihmësi i trajnerit Edy Reja, Ervin Bulku foli në SuperSport ku theksoi se për teknikun italian të gjithë lojtarët janë njësoj. Bulku shtoi se trajneri Reja mendon vetëm për të mirën e kombëtares.
“Nuk është hera e parë që luajmë me këtë formacion, trajneri mendoi të fusë lojtarët më në formë. Asllani jashtë formacioni? Asllani është zgjedhje e trajnerit, ka luajtur ndeshje të tjera nga minuta e parë. Janë të gjithë njëlloj në sytë e trajnerit, ai mendon vetëm për të mirën e skuadrës”.
Erdhi Cambiasso në Tiranë dhe u përfol si opsion për kombëtaren? Pse askush nuk të përmend për trajner?
“Detyra ime është të bëj më të mirën për kombëtaren, duhet t’i shërbej ekipit kombëtar dhe nuk ka rëndësi formacioni”, u shpreh Bulku.
