Kanada e pafat
Kanada ka merituar të paktën një pikë në bazë të lojës me Belgjikën.
Belgët shënuan fitore me rezultat minimal 1:0 ndaj Kanadasë, në takimin e parë të Grupit F të Kampionatit Botëror.
Kanadezët treguan lojë të mirë por Davies shpërdoroi rastin e artë, penalltinë.
Ai në minutën e 11-të godet nga penalltia, por gjuajtjen e tij e priti portieri Courtois.
Në minutën e 23-të, Michy Batshuayi (Belgjikë) humb një rast të mirë për të shënuar. Batshuayi godet me kokë, por e dërgon mbi traversë.
Alistair Johnston (Kanada) në minutën e 30-të futet brenda zonës dhe përpiqet të mposht Thibaut Courtois me një goditje të fortë në anën e majtë të portës, por portieri grushton topin dhe eviton rrezikun.
Kur pritet të mbyllej pjesa e parë pa gola, futbollisti Michy Batshuayi përfiton nga një pakujdesi e Kanadasë, duke shënuar për fitoren e madhe të Belgjikës.
Cyle Larin (Kanada) në minutën e 86-të godet me kokë por pa sukses.
Belgjika mezi ka fituar në ndeshjen e parë të saj në Botëror.
Belgjika kryeson me 3 pikë, pasojnë Kroacia 1, Maroku 1 dhe Kanada ka 0 pikë.
Me 27 nëntor takohen: Belgjika - Maroku (14.00) e Kroacia - Kanada (17.00).
Belgjika - Kanada 1:0
Stadiumi "Ahmad bin Ali" në Al Rayyan.
Gjyqtar: J. Sikazwe (Zambia).
Shënues: Batshuayi (44').
Kartona të verdhë: Y. Carrasco. Meunier, Onana - Davies, Johnston.
Belgjika: Courtois - Alderweireld, Vertonghen, Dendoncker - Tielemans (Onana 46'), Witsel, Castagne, Carrasco (Meunier 46'), De Bruyne, E. Hazard (Trossard 62') dhe Batshuayi (Openda 78').
Kanada: Borjan - Miller, Vitoria, Johnston - Hoilett (Larin 58'), Hutchinson (58'), Eustaquio (Osorio 81') , Laryea (Adekugbe 74'), Buchanan (Millar 81'), Davies dhe David.