Lionel Messi u ndëshkua me karton të verdhë në fitoren kaotike të Argjentinës në çerekfinale ndaj Holandës të premten… por disa tifozë mendojnë se ai duhej të ishte përjashtuar.
Gjyqtari spanjoll Antonio Lahoz dha gjithsej 18 kartonë të verdhë, ndërsa Argjentina eliminoi holandezët me penallti në një ndeshje klasike.
Një nga ata të verdhët iu tregua Messit në fazat e mbylljes së kohës së rregullt, pasi Holandës iu dha një goditje dënimi që Wout Weghorst e ktheu në gol dhe dërgoi ndeshjen në kohën shtesë.
Por disa tifozë mendojnë se 35-vjeçari duhej të ishte ndëshkuar me karton të kuq. Kapiteni i Argjentinës fillimisht i shpëtoi një të verdhë në pjesën e dytë, pavarësisht se u duk se e godiste qëllimisht topin me dorë.
Sikur Messi të ishte ndëshkuar për prekjen e topit me dorë, kartoni i verdhë në kohën shtesë do të kishte qenë i dyti për të. Por Leo qëndroi në fushë gjatë gjithë ndeshjes dhe shënoi penalltinë e tij.
Një tifoz u zemërua në Twitter: “Messi duhej të ishte përjashtuar”. Një tjetër tha: “Nuk e kuptoj se si Messi nuk mori karton… duhet të kishte marrë një karton të verdhë për topin e dorës dhe një tjetër për 30 faullet që ka bërë”.
Një i tretë shtoi: “Me një gjyqtar të duhur Messi duhet të ishte përjashtuar. Reputacioni nuk duhet të ketë rëndësi. Tronditëse.” Dhe i katërti deklaroi: “Prekja flagrante e topit me dorë nga Messi duhet të ishte i verdhë që do të thotë se ai duhet të ishte përjashtuar pas të dytit.”
Kolumnisti i Sun, Piers Morgan gjithashtu u pajtua, duke shkruar në Twitter: “Messi nuk duhej të ishte në fushë. Duhet të kishte një karton të dytë dhe karton të kuq”.
Pavarësisht se ishte me fat që i shpëtoi të kuqit, Messi shpërtheu ndaj gjyqtarit pas ndeshjes. Ai deklaroi: “Mendoj se FIFA nuk mund ta përdorë këtë gjyqtar për këtë lloj ndeshjeje sepse ai nuk është në lartësinë e detyrës”.
