Anglia është eliminuar nga Kupa e Botës pas humbjes 2-1 kundër Francës.
Ndeshja mund të kishte shkuar ndryshe nëse Harry Kane do të shënonte edhe penalltinë e dytë në minutën e 85. Gabimi nga 11 metrat ka ndikuar shumë në ndërgjegjen e sulmuesit të Tottenham-it.
Kane ndihej i shkatërruar pas vërshëllimës së trefishtë të gjyqtarit.
Kamerat janë përpjekur të shkojnë pranë tij, por përpara shfaqet Pickford-i. Portieri i Anglisë nuk lejon kamerat ta filmojnë shokun e tij të skuadrës në këtë moment kaq të vështirë.
“Pak respekt, të lutem“, ka thënë Pickford-i, teksa ka larguar kameramanët larg Kanes.
