Një nga emrat më të mëdhenj të trajningut, italiani Arrigo Sacchi, në analizën që i bën ecurisë së përfaqësueses së Marokut në “Katar 2022” thekson se sa i rëndësishëm është morali në futboll.
“Pashë një kombëtare që ka tri cilësitë themelore në futboll: motivim i madh, shpirt kolektiv, organizim
i mirë i lojës. Pas këtyre djemve nuk ka vetëm një komb, por një kontinent të tërë dhe ata japin shpirtin për të arritur objektivin. Fitorja e merituar ndaj Portugalisë shpjegon se cilësitë morale, jo vetëm në futboll, por në përgjithësi në jetë, janë më të rëndësishme se cilësitë teknike. A e keni parë presionin që bën Maroku?
A e keni parë sesi Amrabat tërheq zvarrë shokët e skuadrës dhe i drejton? Kjo do të thotë të kesh një ndjenjë grupi, modesti, përulësi.
Të gjitha gjërat që Portugalia nuk i posedonte as në masën më të vogël”.