“Çmenduria” argjentinase është në lëvizje në rrugët e vendit për të festuar kampionët e botës, të cilët mbërritën natën me një fluturim nga Doha, duke kaluar nga Doha drejt Buenos Airesit. Aty ku mijëra fansa prisnin dritën e agimit për të festuar triumfin e “Scaloneta”. Një entuziazëm ngjitës, i papërmbajtshëm nga tifozët në rrugë dhe nga lojtarët në autobusin e pambuluar që fatkeqësisht u njolloset nga një episod i bezdisshëm!
U dëgjua një zë që fyente një djalë që donte t’i bënte një dhuratë, padyshim jo shumë i mirëpritur. Nga ora 2:30 nisi festa e Argjentines dhe Buenos Aires, një festë e pandërprerë që do të zgjasë gjithë ditën, në një 20 dhjetor të paharrueshëm dhe shumë të gjatë, në të cilin qeveria ka shpallur 24 orë festë kombëtare, shkruan Telesporti.
Gjithçka për të festuar sa më mirë skuadrën triumfuese te kthyer nga Katari ku fitoi Kupën e tretë të Botës në një finale që tashmë ka hyrë në histori si një nga më të bukurat dhe më intensivet ndonjëherë. Në mediat argjentinase ka një pasqyrë të vazhdueshme live që ka kapur gëzimin e një popullate të tërë që kur avioni u ndal në Ezeiza International në Buenos Aires.
Në pamjet e transmetuara drejtpërdrejt në rrjetet sociale nga një prej transmetuesve të shumtë që po ndjekin pandërprerë festimet, “La octava sports”, si pjesë e një transmetimi të drejtpërdrejtë me pamjet e marra direkt nga autobusi i Albiceleste, në të cilin lojtarët festojnë fitoren e kampionatit botëror, ka ndodhur episodi i pakëndshëm.
Dhe nuk kishte asnjë dyshim për dokumentimin e gjithçkaje: ishte portieri i Argjentinës, sërish në bankën e të akuzuarve për sjellje ndaj një tifozi, për të mos thënë të papranueshme.
Duke inkuadruar lojtarët brohoritës në autobus, fyerjet qëndrojne mbi një tifoz i cili, duke vrapuar, tund krahët që ata të marrin atë që ka në dorë: një sombrero meksikan (kapelja karakteristike). Gjesti që duhej të ishte një dhuratë, në një çast kthehet në një pretekst për lojtarët për të shfrytëzuar pjesën më të keqe, me një reagim të keq. “Vendos kapelen në b*the… o meksikan” dëgjohet në një moment nga një zë. “Çfarë do bir k*rve? Hidhe, hidhe… thithe p*nisin…! Jepja ‘Memo’ Ochoas [portierit të Kombëtares së Meksikës] budalla!”.
Fjalë vulgare, ofenduese, krejtësisht të pavend në një kontekst feste dhe gëzimi që bërtasin fort, si dhe të qeshurat në sfond. Dhe nuk mjafton t’i justifikojmë ata duke kujtuar rivalitetin historik mes kombëtareve argjentinase dhe meksikane, që u takuan gjatë Kupës së Botës, me polemika.
Shumëkujt i duket se Emiliano Martinez i shqiptoi ato fraza, zëri i të cilit u njoh nga gazetarët dhe fansat argjentinas. Nëse do të ishte sërish ai, portieri i Albiceleste do të ishte sërish në qendër të polemikave pas gjestit të nxituar në skenën e fituesve me trofeun e portierit më të mirë të Botërorit, duke u bërë autor i një tjetër lapsusi të pafalshëm.
