Legjenda 37-vjeçare po planifikon lëvizjen e tij të radhës pasi u lirua nga Manchester United pas një interviste me kolumnistin e Sun, Piers Morgan.
Sulmuesi pretendoi se ndjeu se United e kishte “tradhtuar” atë dhe zbuloi se ai nuk kishte “asnjë respekt” për Erik ten Hag. Gjërat nuk u përmirësuan për të gjatë Kupës së Botës, pasi ai u la në stol edhe nga trajneri i kombëtares Fernando Santos.
Pasi luajti titullar në të tre ndeshjet e grupit, Ronaldo u aktivizua nga stoli në ndeshjet me eliminim direktt. Ish-ylli i Real Madrid u zëvendësua Goncalo Ramos, i cili shfrytëzoi rastin e tij për të shënuar një tregolësh spektakolar në fitoren 6-1 kundër Zvicrës.
Më pas, CR7 e nisi nga stoli edhe takimin e çerekfinales kundër Marokut, duke u aktivizuar në pjesën e dytë, por pa arritur të shmangë humbjen 1-0 të kombëtares.
Tani, ndërsa vazhdon të mbahet në gjendje të mirë fizike, ai është duke vendosur për klubin e tij të ardhshëm, por ka pasur një mungesë serioze të ofertave nga klubet kryesore evropiane.
Siç zbuloi më parë Sun Sport, The Times ka deklaruar se ai ka një ofertë me vlerë 200 milionë euro në sezon nga klubi i Ligës Pro Saudite, Al Nassr.
Ata gjithashtu pretendojnë se ai “pritet t’u bashkohet atyre” – megjithëse Sun Sport ka shkruar se kampioni portugez nuk ka pranuar ende një kontratë prej tyre.
Ky përditësim i ri thekson gjithashtu se ai ka një tjetër marrëveshje në tryezë për të kaluar në Ligën e Yjeve të Katarit. Megjithatë, “megjithëse kushtet financiare të ofruara kuptohet se janë inferiore ndaj atyre të paraqitura nga fqinji dhe rivali i tyre i Gjirit” në Arabinë Saudite.
Ish-ylli i Real Madrid dhe Juventus mendohet se do të vendosë brenda disa ditësh me preferencën e tij që është të qëndrojë në Europë. Chelsea dhe klubi i vjetër i Ronit, Sporting Lisbona, u përmendën si destinacione të mundshme përpara Kupës së Botës zhgënjyese të Portugalisë.
Atletico Madrid, Napoli dhe Juventus janë përmendur që nga vera e kaluar për një interesim ndaj pesë herë kampionit të botës, por asgjë nuk ka ndodhur që nga largimi tij nga Manchester United.
