Pep Guardiola ka folur për Arsenalin, që duket se e ka konkurrentin kryesor në garën për titullin e kampionit në Premierligë.
Trajneri spanjoll e pranoi se “Topçinjtë” po tregojnë ndeshje të mira, por theksoi se ka kohë ende deri në fund.
“Deri më tani, Arsenali po luan shkëlqyeshëm dhe më mirë se ne. Ata nuk kanë qenë [në krye] për një kohë të gjatë, ekipi i tyre dëshiron të qëndrojë atje”, tha trajneri i Man Cityt.
“Jemi afër Arsenalit. Diferenca nuk është 15 apo 20 pikë. Do të kisha preferuar të isha më afër, por nuk është aq larg”, deklaroi Guardiola.
Arsenali prin në tabelë me 40 pikë pas 15 ndeshjeve të zhvilluara, teksa Manchester City është i dyti me pesë pikë më pak.
