Berat Gjimshiti është pranë largimit nga Atalanta dhe kjo nuk është më një “histori mediatike”.
Dëmtimi i fundit i kaluar nga mbrojtësi shqiptar do t’i jepte “goditjen e fundit” sa i përket krediteve të tij te ekipi nga Bergamo.
Gasperini njihet për zbulimet me lojtarët e rinj dhe kështu ndodhi edhe këtë herë. Me rikthimin e Gjimshitit, trajneri nuk e ka lëvizur prapavijën dhe lojtari i Kombëtares po qëndron në stol, pavarësisht se është gati për të luajtur.
Për më tepër, mediat italiane raportojnë se Atalanta po kërkon edhe një tjetër mbrojtës qendre në merkaton e dimrit. Të gjitha këto tregojnë qartazi se Gjimshiti do të largohet dhe për momentin është Monza që e dëshiron më tepër mbrojtësin shqiptar.
