Komiteti i Garave të Futbollit Bazë i Federatës së Futbollit Aragonez nuk është dridhur fare kur bëhej fjalë për ndëshkimin e ashpër të një lojtari (fëmijë) me sanksion historik. Ajo ka vendosur pezullimin prej 25 ndeshjesh për një futbollist të klubit Alfindén EFB për sulmet e ndodhura gjatë ndeshjes së 17 dhjetorit kundër Cristo Rey.
Por nuk ka qenë i vetmi dënim, pasi dy lojtarë të tjerë (SC dhe GH) nga e njëjta skuadër janë pezulluar me 15 ndeshje secili. Disa fakte që janë cilësuar si “shumë të rënda”, duke marrë parasysh, përveç kësaj, se bëhet fjalë për lojtarë 12-vjeçarë.
Siç shpjegohet, 25 ndeshjet e sanksionit të lojtarit Alfindén EFB (A. C.) ndahen në; “4 ndeshje për sulm ndaj kundërshtarit gjatë ndërprerjes së lojës, 15 për sulm ndaj kundërshtarëve pas aktit të mëparshëm, gjatë ndalimit të lojës, duke zbatuar sanksionin në masën maksimale, duke pasur parasysh kontekstin në të cilin kanë ndodhur ngjarjet e pafuqisë së veçantë të lojtarëve kundërshtarë, të cilët ishin shtrirë në fushën e lojës; gjashtë ndeshje për ofendim të rëndë dhe të përsëritur ndaj arbitrit”.
Gjithashtu, një tjetër futbollist u ndëshkua me tri ndeshje pezullim, pasi iu drejtua arbitrit me shprehje përçmuese dhe e konsideron ndeshjen të përfunduar me rezultatin deri në minutën e 58, që ishte 3-2 në favor të Cristo Rey.
Fusha e Club Alfindén EFB është gjithashtu e mbyllur për tri ndeshje zyrtare dhe i hiqen dy pikë nga klasifikimi i përgjithshëm, si dhe 400 euro gjobë. Klubi në fjalë paralajmërohet me përjashtim nga gara nëse ka përsëritje.
Këto sanksione të ashpra synojnë të shërbejnë si shembull për t’iu dhënë fund episodeve të dhunës, si ai që ndodhi më 17 dhjetor në shkollën Cristo Rey në Zaragoza. Në minutën e 58-të arbitri u detyrua të ndërpresë një ndeshje që la gjashtë të lënduar. Dy prej tyre u desh të dërgoheshin në spital për t’u mjekuar për lëndime të ndryshme nga goditjet e marra.
