Hakim Ziyech është humbësi më i madh në afatin kalimtar të dimrit.
Marokeni pranoi kushtet personale me PSG-në dhe ishte në Paris duke pritur që Chelsea t'i dërgonte të gjitha dokumentet e nevojshme, por në fund, pas një sërë ngjarjesh të çuditshme, transferimi i tij dështoi në minutat e fundit.
Klubet ishin ende duke negociuar kur Ziech kaloi testet mjekësore në Paris dhe po priste dokumentet për të konfirmuar lëvizjen e tij huazuese nga Chelsea deri në fund të sezonit.
Pas negociatave intensive u arrit një marrëveshje huazimi, por më pas gjithçka dështoi për shkak të gabimeve të pabesueshme që bënë zyrtarët e klubit në "Stamford Bridge".
Gazetarët francezë mësuan se Chelsea ka dërguar fillimisht një dokument të firmosur gabimisht, pasi PSG-ja ka vënë re gabimin dhe ka reaguar, dokumentet janë dërguar sërish nga Londra, por në adresë të gabuar.
Në Paris janë tërbuar dhe po përgatisin një ankesë në shoqatën e lojtarëve të ligës së parë franceze. Pikërisht në atë adresë, në vend të PSG-së, sipas mediave franceze, Chelsea ka dërguar dokumentacionin e nevojshëm. Kur ai mbërriti në klubin e Parisit, afati i transferimeve kishte përfunduar.
