Antonio Conte është këshilluar të qëndrojë larg Tottenhamit derisa të jetë 100% i aftë dhe në gjendje të jetë vetvetja, sipas ndihmës trajnerit të tij, Cristian Stellini.
Conte qëndroi në Itali pas humbjes së martën ndaj Milanit në Ligën e Kampionëve, pas një konsultimi me kirurgun që kreu operacionin për heqjen e fshikëzës, në fillim të muajit shkurt.
“Shëndeti është më i rëndësishëm se futbolli”, tha Stellini.
“Kjo është arsyeja pse klubi, Antonio dhe mjekët vendosin të marrin këtë përgjegjësi dhe ta lënë Antonion në Itali. Siç shpjegoi ai, operacioni nuk ishte i lehtë, ishte operacion urgjent dhe inflamacioni ishte i madh dhe ndoshta ata e nënvlerësuan situatën. Ai ka nevojë për kohë që të jetë 100% dhe kur Antonio nuk është 100%, ai nuk është Antonio dhe kjo krijon stres.
Ai duhet ta marrë sërish lehtësisht. Ndjenja e Antonio është se ai e nënvlerësoi procedurën. Kur ishte afër lojës, stresi dhe tensioni që jeton normalisht krijon probleme. Kur u kontrollua me mjekun dhe klubin, vendimi ishte ky”, tha më tej Stellini.
Conte mungoi në fitoren kundër Manchester Cityt, e cila ishte vetëm katër ditë pas operacionit të tij, dhe u rikthye në fushë për humbjet kundër Leicesterit dhe Milanit, megjithëse ende në dhimbje dhe parehati.
Ai u takua me kirurgun e tij në Itali të mërkurën dhe u këshillua të largohej sërish për ca kohë nga puna.
