Man. UTD mes rinovimit të komplikuar të De Geas dhe zëvendësimit me portierin e Leeds!
Në fund të sezonit skadon kontrata që lidh David de Gea me Manchester United.
Megjithatë, sipas raportimeve nga mediet britanike, klubi anglez dëshiron të përpiqet të bindë portierin spanjoll të qëndrojë, duke i ofruar një rinovim me një pagë të rritur, që shkon në 250,000 paund në javë, ose 13 milionë paund në sezon.
Operacioni është i vështirë, sepse duket se De Gea kërkon një ndryshim peizazhi, prandaj edhe “Djajtë e Kuq” po shikojnë përreth dhe emri që ka rënë në radarët e United është ai i Illan Meslier, portierit 22-vjeçar të Leeds, i cili shihet si një zëvendësues i mundshëm.
