Një titull interesant është shkruar nga AS pas fjalëve të Luka Modriç:
“Kjo është arsyeja pse gjiganti është edhe më i madh: Modriç pranoi gabimin e tij dhe tha se nuk dëshiron lëmoshë”.
Bëhet fjalë për komentin e Modric për ndeshjet më të dobëta pas kthimit nga Botërori, por edhe për faktin se ai është 37 vjeç.
Përveç kësaj, kontrata e tij skadon për vetëm katër muaj dhe Real Madrid ende nuk ka filluar negociatat për një zgjatje të saj.
“Po luaj më mirë pas Kupës së Botës, e cila natyrisht la gjurmë tek unë. Kam bërë një gabim duke filluar të luaj për Realin menjëherë pas kthimit nga Katari”, tha Modriç dhe shtoi:
“Duhet të kisha kaluar një program special dhe rikuperim të nevojshëm, por ndihem më mirë dhe po kthehem”, tha Modriç. Ai foli edhe për kontratën.
“Kur bëhet fjalë për kontratë, dua ta meritoj, jo të më bëjnë dhuratë se jam legjendë apo Luka Modric.
Askush nuk më ka dhënë asgjë në jetë”, tha Modriç.
