Antoine Griezmann ka pranuar se e ka merituar reagimin që mori nga tifozët e Atletico Madridit, pas transferimit te Barcelona.
Reprezentuesi francez njoftoi në mënyrë të famshme vendimin e tij për të refuzuar një transferim në Barcelonë dhe për të qëndruar në Atletico pas muajsh spekulimesh në verën e vitit 2018, megjithatë, një vit më vonë, Blaugrana pagoi klauzolën e tij të plotë të lirimit prej 120 milion €, duke e larguar nga “Wanda Metropolitano”.
Tifozët e Atleticos ishin të zemëruar me lëvizjen, por Griezmanni përfundoi duke u rikthyer në kryeqytet në një marrëveshje huazimi dyvjeçare në 2021 pasi dështoi të bënte përshtypje në “Camp Nou”, i cili përfshinte një opsion blerjeje prej 40 milion eurove.
Ai u fishkëllye nga tifozët vendas pas kthimit të tij fillestar në radhët e Diego Simeones, por kishte kërkuar falje pasi transferimi i tij u bë i përhershëm në tetor, dhe tani ka pranuar se ai “e meritonte” pritjen e ashpër.
“Transferimi i Barcelonës u bëri shumë dëm tifozëve.
Më dhanë gjithçka dhe në fund u largova sepse ashtu doja, kisha nevojë.
Edhe unë si fans do të isha shumë i zemëruar. Kjo është ajo që meritoja”, tha Griezmanni për “Movistar”.
“Unë u bëra shumë i përulur dhe punova për ta ndryshuar atë. Ata që më njohin e dinë se kam nevojë për këtë marrëdhënie me fansat, kam nevojë për dashurinë e tyre, mbështetjen tuaj për të performuar në nivelin më të lartë”.
Me paraqitjet e vazhdueshme në fushë, Griezmanni ka mundur t’i fitojë sërish tifozët e Atleticos.
Ai ka qenë një nga yjet e tyre këtë sezon dhe ka tetë gola dhe 10 asistime në 33 paraqitje në të gjitha garat me fanellën e Atleticos.
