Chelsea - Dortmund është një nga sfidat më të ekuilibruara të këtij raundi në Ligën e Kampioneve, pasi të dy skuadrat duket se kanë shanse thuajse të barabarta të vazhdojnë më tej.
Borusia Dortmund ka fituar 1-0 ndeshjen e parë, por ky rezultat ka lënë gjithçka të hapur për kthimin në Londër ku skuadra e drejtuar nga Graham Poter do të tentojë të përmbysë sfidën ne favorin e saj.
Trajneri ka lënë në stol një nga blerjet e bujshme te janarit, ukrainasin Mudrik, duke preferuar që të hedhë nga minuta e parë në fushë treshen Zhoao Feliks-Havertz-Sterling.
Nga ana tjetër, Terziç përgjigjet me Haller të mbështetur nga një mesfushë shumë ofensive ku gjenden Rojs, Brandt dhe Bellingam.
