53 gola në 80 ndeshje me fanellën e Anglisë.
Sot kapiteni i “tre luanëve”, Harry Kane, do të kërkojë që të shkëputet më në fund nga hija e Uejn Runit dhe të bëhet golashënuesi më i mirë (i vetëm) i historisë së kombëtares angleze.
Gjithsesi, Runi i ka shënuar 53 golat me 40 ndeshje më shumë.
Ndërsa Xhimi Grivs, legjenda që ai la pas si golashënuesi më i mirë i historisë së Totenhemit, mund të ketë një mesatare më të mirë në raportin gola për ndeshje (44 në 57).
Por në futbollin e epokës moderne, Harry Kane është i pakrahasueshëm dhe janë shifra që kapiteni i kombëtares së Sauthgejtit i përplas me forcë përpara të gjithë skeptikëve, të cilët dikur e cilësonin si një lojtar që nuk mund të kishte vazhdimësi për më gjatë se një sezon.
Por për sa kohë nuk e ka fituar ende trofeun e parë në karrierën e tij e penalizon shumë dhe e ngarkon edhe psikologjikisht në një moment vendimtar për të ardhmen e karrierës së tij.
