Muçi gol në fitoren e thellë të Legias!
Legia e Varshavës, pjesë e së cilës janë edhe dy futbollistë shqiptarë, Jurgen Celhaka dhe Ernest Muçi, e ka shfrytëzuar pauzën e kampionatin për shkak të ndeshjeve të kombëtareve për të zhvilluar një test miqësore me GKS Karovice në qendrën e saj stërvitore.
Skuadra nga kryeqyteti i Polonisë ka triumfuar 3-0 dhe golin që zhbllokoi takimin e realizoi pikërisht sulmuesi shqiptar (ish-i i Tiranës) me një goditje të “thatë” nga jashtë zonës, e pakapshme për portierin kundërshtar.
Më pas, Patryk Sokołowski realizoi dygolësh gjatë pjesës së dytë për rezultatin përfundimtar 3-0.
