Mesfushori i Liverpoolit, Thiago Alcantara, është rikthyer në stërvitje 100% përpara ndeshjes kundër Arsenalit, kryesuesit të Premier League-s.
Ish-futbollisti i Bayernit dhe Barcelonës ka qëndruar rreth dy muaj jashtë për shkak të një dëmtimi në ijë.
Lojtari i përfaqësueses spanjolle luajti për herë të fundit për skuadrën e Jurgen Klopp në shkurt, në humbjen 3-0 kundër Wolves.
Pas ribashkimit në stërvitjen e skuadrës së parë gjatë fundjavës, e enjtja shënoi përfshirjen e Thiagos në një garë intensive.
Disponueshmëria e Thiagos mund t’i japë trajnerit gjerman një shtysë për t’i dhënë minuta, pasi mesfusha e Liverpoolit dështoi në përplasjen me Manchester City-n.
Klopp ka qenë veçanërisht i pafat me dëmtimet e mesfushorëve të tij së fundmi, me Stefan Bajcetic dhe Naby Keita ende në infermieri.
Krahas Thiagos, të enjten u kthye në stërvitje të plotë edhe anësori Luis Diaz.
Kolumbiani, i cili nënshkroi për Liverpoolin në janar të vitit 2022, është jashtë fushës që nga tetori për shkak të një dëmtimi të përsëritur në gju.
