Real Sociedadi u rikthye te fitorja në përballjen e javës së 28-të të La Liga, duke mundur me rezultatin 2-0 në “Reale Arena” Getafen.
Në një ndeshje të dominuar nga vendasit, Sociedadi në të 44-tën fitoi një 11-metërsh, me VAR-in që sinjalizoi një faull brenda zone, por Mikel Oyarzabal u ndal nga David Soria.
Sulmuesi e korrigjoi gabimin 4 minuta më vonë, duke shënuar në kohën shtesë golin e avantazhit.
Edhe pse pjesa e dytë nisi më mirë, në të parën mundësi Sociedadi shënoi sërish, këtë herë pas një aksioni perfekt, Kubo e dërgoi topin në rrjetë.
Edhe pse Getafe provoi në vijimin e lojës për të ndryshuar diçka, rezultati nuk ndryshoi deri në fund.
Sociedadi ruan vendin e katërt, duke shkuar tani në kuotën e 51 pikëve, ndërsa Getafe mbetet me 30 pikë shumë pranë zonës së rënies nga La Liga.
