Arsenali ka marrë një pikë me peshë të madhe në “Anfield”, duke luajtur baras 2:2 me Liverpoolin.
Ndeshje me rivalitet të madh, katër gola të shënuar dhe një penallti e humbur.
Për Arsenalin shënuan Gabriel Martinelli (8'), Gabriel Jesus (28'), dhe për Liverpollin realizoi Mohamed Salah (42') e Roberto Firmino (87’).
Në minutën e 52-të, Salah pati rastin më të mirë për të barazuar por ka shpërdoruar penalltinë.
Ai ka gjuajtur nga pika e bardhë por jashtë shtyllës së djathtë.
Granit Xhaka u paraqit titullar dhe u ndëshkua me karton të verdhë në minutën e 41-të, pas fjalosjes me futbollistin e Liverpoolit, Alexander-Arnold.
Pas javës së 30-të në Premier League, Arsenali kryeson me 73 pikë, ka një ndeshje 6 pikë më shumë se Manchester City dhe Liverpool renditet në vend të tetë me 44 sosh.
