Rajan Rejnolds dhe Rob MekElheni, dy yjet e njohur të Hollivudit kanë bërë mrekulli me ekipin e tyre të Reksham në Ligën e Pestë angleze, duke arritur që ta ngjisin atë në të katërtën e cila është njëkohsisht liga e parë profesioniste.
Dëshira e madhe e dyshes së Hollivudit është rikthimi i Gareth Bale fushën e futbollit.
Drejtuesit e klubit kërkojnë që ish-sulmuesi uellsian të tërheqë edhe një herë vendimin për lënien e futbollit, pasi duan që ta kenë në skuadrën e tyre.
Së fundmi, Rob MekElheni ka publikuar një foto të Bejl me fanellën e Reksham.
“Po nëse”, ishte mbishkrimi që përshkruante foton e Bejlit. Vetëm pak ditë më parë, ata i bënë një tjetër ftesë uellsianit e tashmë pritet të shihet vendimi i këtij të fundit që u tërhoq nga futbolli i luajtur menjëherë pas Kupës së Botës.
Dyshja e Hollivudit ia doli të rikthente në fushë portierin Ben Foster dhe tani kërkojnë ish-yllin e Real Madridit.