Manchester City mund të rikthehet sonte në krye të Premierligës.
“Citizens” e humbën mbrëmë primatin të cilin e mbajtën pak ditë, pasi Arsenali e mposhti Chelsean në derbin londinez, 3:1 për ta rikthyer kreun e tabelës, të cilin e zotëruan thuajse gjatë tërë sezonit.
Por, kampioni aktual anglez i ka dy ndeshje më pak të zhvilluara sesa “Gunners”, e ndërkohë dy pikë më pak për momentin.
Sonte, ekipi i Pep Guardiolës me një fitore eventuale ndaj West Ham Unitedit mund ta rikthejë kreun dhe të kalojë një pikë përpara ndaj “Topçinjve”.
Nga ana tjetër, edhe West Hamit i nevojitet fitorja për t’i ikur sadopak pozitës aktuale, e cila s’i jep shumë siguri për të mbetur në ligë.
Ndërkohë, Liverpooli do t’i bëjë gosti Fulhamit.
“Reds” kanë shumë pak gjasa për të përfunduar në fund në Top 4, e cila çon në Ligën e Kampionëve.
Sidoqoftë, ata synojnë të fitojnë ndaj Fulhamit sonte dhe të shpresojnë deri në fund.
Fulhami nga ana e tij do të luajë pa presion pasi aktualisht gjendet në pozitën e 10-të, pa rrezikuar për të rënë nga liga dhe me pak gjasa për të luajtur në Evropë.
Këto dy ndeshje do të fillojnë në orën 21:00.