City dhe United pas mbrojtësit të kampionëve!
Shtatlartë, inteligjenti dhe i sigurtë në ndërhyrjet e tij në momentin e fundit.
Koreano-jugori Kim Min-Jae ishte një nga “shtyllat” kryesore në triumfin e Serie A nga Napoli i tij.
Mirëpo, këto performanca duket se i kanë hapur “dyer” të reja 26-vjeçarit.
Sipas mediave italiane, “yllit” të “bluve” i janë vënë pas dy “gjigandët” e Manchester, City dhe United, me teknikët Pep Guardiola e Erik ten Hag, që e kërkojnë me ngul një mbrojtës si koreano-jugori në organikën e tyre.
Megjithatë lojtari ka kontratë deri në 2025-ën me Napolin, ndërsa klauzola e tij për vendet jashtë Italisë shkon deri në 45 milionë.
