Ky është ‘verdikti’ i Fabio Capello-s, i cili pas ndeshjes së parë gjysmëfinale të Ligës së Kampionëve të fituar 2-0 nga skuadra e Simone Inzaghit ndaj Milanit, nisi një sulm shumë të fortë ndaj kuqezinjve dhe trajnerit të tyre, Stefano Pioli.
“Ai nuk gjen dot kundërmasa, nuk është derbi i parë që luhet kështu. Mesfusha nuk është filtruar asnjëherë, mesfushorët e Interit kanë qenë gjithmonë të lirë dhe kanë krijuar dyfish më shumë probleme”.
Sipas ish-trajnerit të AC Milan, i cili fitoi Ligën e Kampionëve në krye të Djallit në 1994, Kalabria dhe shokët e tij bënë gabime të mëdha në pjesën e parë që çuan në një humbje të vështirë për t'u përmbysur në ndeshjen e dytë.
“Çfarë do të thosha nëse do të isha trajner i Milanit? Do t’i kërkoja të gjithëve të kujtojnë gabimet e bëra”, ka shtuar ai në mikrofonat e ‘Sky’, për të cilin tashmë është komentues.
Arritja në raundin e dytë do të jetë e vështirë për kuqezinjtë, por sipas Capello ka ende një fije shprese: "Interi u qetësua pak në pjesën e dytë dhe ka një ndeshje tjetër, por duhet luajtur ndryshe”.
