“Zikaltërit” e Inter arritën fitoren minimale, 0 me 1, përballë rivalëve historikë të Milan mbrëmjen e djeshme në ndeshjen e kthimit të gjysmë-finales së UEFA Champions League, duket u rikthyer kështu në finalen e madhe të kompeticionit.
Pas eleminimit, tepër i zhgënjyer, disa fjalë për mediat i tha dhe tekniku i “kuqezinjve”, Stefano Pioli, i cili tha se zhgënjimi i vërtetë i këtij sezoni do të vijë vetëm nëse Milan nuk arrin të kualifikohet për në Champions sezonin e ardhshëm, nëpërmjet kampionatit.
“Ka vetëm zhgënjim, është e vërtetë që kemi arritur në gjysmë-finale të Champions League, duhet të jemi krenarë për këtë, por është e qartë se kemi ëndërruar për finalen dhe kemi dashur të mposhtim rivalët tanë.
Mosarritja na shkakton zhgënjim, por do të duhet të përqendrohemi te kampionati.
Zhgënjimi i vërtetë do të ishte të mos luanim në Champions League sezonin e ardhshëm”,- u shpreh tekniku Pioli.
