E ardhmja e Messit është ende pezull.
Kontrata e lojtarit me PSG-në përfundon më 30 qershor dhe rikthimi te Barça do të ishte ëndrra e madhe. Mirëpo, Messi është objekt i dëshirës edhe në destinacione të tjera, veçanërisht në Arabinë Saudite.
Al-Hilal i Riadit është klubi i gatshëm të ofrojë më shumë për të.
Babai i futbollistit, Jorge Messi, tashmë e ka bërë të qartë se nuk ka hyrë në negociata, por interesi saudit është shumë i fortë. “Ata do të thoshin po për gjithçka”, – thanë për SPORT burime të lidhura mirë me botën arabe.
Messi do të bëhej lojtari më i paguar në botë, ka pasur spekulime për t’i ofruar 400 milionë euro në sezon dhe t’i plotësojnë të gjitha kushtet që mund të ketë. Njëri prej kushteve, për shembull, do të ishin përforcime të rëndësishme tek Al-Hilal, por edhe miq, siç do të ishte rasti me Sergio Busquets.
Leo, gjithsesi, është ende në dijeni të lëvizjeve që ndodhin te Barça. Klubi katalanas po pret që La Liga të miratojë planin e fizibilitetit, me të cilin mund të përballet me nënshkrimin e tij. Messi nuk do të vendosë për të ardhmen deri në fund të sezonit, do t’i japë kohë Barcelonës.
Pra, nuk do të nxitohet. Mundësia e “pazarit” në Arabinë Saudite mund të aktivizohet gjithmonë.
Joan Laporta, presidenti i Barcelonës, këmbënguli këtë javë në dëshirën për të riatdhesuar Messin dhe se marrëdhënia mes palëve është ridrejtuar pas largimit të tij traumatik.
Pyetja qëndron në kohën dhe shpejtësinë me të cilën Barça do të jetë në gjendje të realizojë planin e saj të fizibilitetit dhe durimin që Messi mund të ketë për të mos hapur negociatat me klubet e tjera.
