Manchester City është finalisti i dytë në këtë edicion të Ligës së Kampionëve.
“Citizens” fituan në ndeshjen e kthimit të gjysmëfinales me rezultat bindës 4:0 ndaj Real Madridit.
Ishte një ndeshje e dominuar krejtësisht nga anglezët, që nuk i dhanë gjasa në asnjë moment kampionit në fuqi të Evropës.
Pas ndeshjes, futbollisti i Real Madridit, Dani Carvajal tha se Manchester City ishte shumë më i mirë se ta.
“City ishte shumë më i mirë se ne, urime për ta. Ne do të rikthehemi më të fortë dhe do të punojmë që së shpejti të jemi në një tjetër finale”, tha ai.
