Në kushtet aktuale, përballja e sotme me Fiorentinën do të jetë finalja e fundit e tij me fanellën e Interit.
Kapitenit të zikaltërve, Samir Handanoviç, i skadon kontrata në qershor dhe pritet të ndajë rrugët me zikaltrit, e kërkon ta bëjë këtë me një tjetër trofe, në atë që ka qenë kompeticioni i tij gjatë këtij sezoni.
Edhe pse e nisi si titullar, 38-vjeçari u kthye shpejt në alternativën e Onanës, duke qenë titullar vetëm në Kupën e Italisë duke mbërritur deri në finalen ku sot do të udhëheqë skuadrën.
Krah Inzagit në konferencën për shtyp, portieri nuk preferoi të fliste për të ardhmen e tij, duke treguar edhe pritshmëritë e finales.
“Nuk di asgjë dhe nuk dua të flas për të ardhmen.
Tani jam i përqendruar te kjo ndeshje dhe duam të ngremë këtë trofe me Interin, për këtë jemi këtu.
Kemi bërë një punë shumë të mirë gjatë kësaj kohe, duke e dërguar Interin aty ku e meriton. Kur humbet rritesh dhe kjo është thelbësore, pastaj fitoret të japin vetëvlerësim”, kanë qenë fjalët e para të sllovenit, që foli edhe për ecurinë e sezonit.
“Këtë sezon nuk mund ta përkufizojmë ende, sepse nuk ka mbaruar. Ndeshjet që mungojnë janë vendimtare dhe do të përcaktojnë shumë nga fati i këtij sezoni”, përfundoi Handanoviç.
