Chelsea do të bëjë ndryshime në verë sa i përket portës.
Sepse as Mendy, as Kepa nuk i japin klubit garanci të mëdha.
Kështu, André Onana, “gardiani” i Interit, që ia “vodhi” vendin Samir Handanovicit në periudhën e fundit, është vënë në fokusin e drejtuesve të bluve të Londrës.
Performanca e tij e mirë dhe aftësia për të luajtur me këmbë e bëjnë atë një profil tërheqës për blutë.
Problem për Chelsea-n mbetet Kepa Arrizabalaga, portieri më i shtrenjtë në botë (kushtoi 80 milionë në vitin 2018 dhe paguhet rreth 9 milionë stërlina bruto në vit, pra rreth 6 milionë euro neto), i cili nuk mund të qëndrojë si rezervë.
Për këtë arsye, ideja e Chelsea-t është ta përfshijë portierin bask në bisedimet për blerjen e Onanës, por drejtuesit e Interit duan vetëm para “cash”, për të rregulluar bilancin (duhen të paktën 60-70 milionë euro).
Kështu Kepa, pavarësisht se është një profil interesant, nuk vlerësohet si alternativa perfekte për ziklatrit.
Në javët në vijim, në çdo rast, kontaktet do të vazhdojnë. E sigurt, megjithatë, është se Interi nuk dëshiron të bëjë zbritje dhe do të kërkojë të paktën 40-45 milionë për portierin kamerunas, i cili verën e kaluar mbërriti në Milano me parametër zero pasi mbylli përvojën tek Ajaxi i Amsterdamit.
