Objektivi i Manchester United, Kim Min-jae, dha një përgjigje të fortë kur u pyet nëse ai mund të largohej nga Napoli këtë verë.
Qendërmbrojtësi i Koresë së Jugut, 26 vjeç, ka qenë një pjesë kyçe e sfidës së suksesshme të Napolit për titullin e Serie A këtë sezon, duke ndihmuar skuadrën e tij për të ngritur Scudetton për herë të parë në 33 sezone.
Kim iu bashkua gjigantëve italianë nga Fenerbahce verën e kaluar si zëvendësim për Kalidou Koulibaly, i cili u transferua te Chelsea.
United ka qenë i lidhur me një lëvizje për qendërmbrojtësin, me media të ndryshme që pretendojnë se Kim ka një klauzolë lirimi prej 58 milionë euro që do të aktivizohet nga 1 deri më 15 korrik të kësaj vere .
Gazeta italiane “Corriere dello Sport” ka raportuar se mbrojtësi do t’i bashkohet United sapo klubi të aktivizojë atë klauzolë, pavarësisht se Napoli përpiqet t’i ofrojë atij një kontratë të re.
Por marrëveshja nuk është finalizuar ende, dhe Kim u pyet për potencialin e një lëvizjeje verore në një televizion koreano-jugor.
“Agjenti im është jashtë restorantit, pyesni atë!”, tha Kim.
26-vjeçari nuk e aprovoi të ardhmen e tij te Napoli dhe as nuk konfirmoi se do të transferohej në tjetër klub këtë verë.
Por referenca për agjentin e tij mund të sugjerojë që nëse klubet paguajnë klauzolën e tij të lirimit, mund të ketë hapje që Kim t’i bashkohet një klubi të ri.
Dhe United shpreson të jetë në krye të radhës për të siguruar nënshkrimin e tij duke aktivizuar klauzolën sa më shpejt që të jetë e mundur, me Kim që mund t’i bashkohet një kontingjenti qendërmbrojtës në United që përfshin Raphael Varane, Lisandro Martinez, Harry Maguire dhe Victor Lindelof.
