Siç bëhet e ditur nga “90 min”, Tottenhami ia ka komunikuar Harry Kane vendimin që nuk do të lejojë largimin e yllit anglez këtë verë.
Kontrata aktuale e Kane me Tottenhamin skadon në fundin e sezonit 2023/24, dhe të dy palët nuk janë afër që të arrijnë akordin për një marrëveshje të re, raporton KosovaPress.
Kane është nën radarin e shumë gjigantëve evropianë, ku në muajt e fundit interesim serioz kanë shprehur Bayern Munichu, Manchester United dhe Paris Saint-Germain.
Ndërkohë, Real Madridi është gati që të bëjë një ofertë drejt Tottenhamit për Kane, pas largimit befasues të Karim Benzemas drejt Al Ittihad.
“90min” më parë kishte raportuar se Kane nuk do të lejohet të largohet këtë verë nga Tottenhami, dhe tani bëhet e ditur se klubi londinez ia ka komunikuar vendimin Kane.
