Uruguai bind në miqësore
Debutim perfekt për Bielsën, Uruguai bind në miqësore!
Aventura e Marcelo Bielsës në stolin e Uruguajit ka nisur në mënyrë perfekte, pasi skuadra amerikano-latine ka triumfuar me rezultatin 4-1 në miqësoren ndaj Nikaragua.
Tekniku argjentinas, i cili firmosi me Uruguajin vetëm pak javë më parë, debutoi pikërisht ndaj Nikaraguas, duke marrë përgjigjet më të mira nga futbollistët e grumbulluar.
Ndonëse mungonin shumë emra të mëdhenj, përfshi edhe Valverde, Nunez e Araujo, skuadra e Uruguajit funksionoi mjaft mirë, duke shënuar dy herë me Zalazar, një herë me Arezon dhe një herë me Rodriguez, ndërsa miqtë shënuan golin e nderit me Coronel.
