Klubi anglez, Liverpool që sezonin e fundit dështoi të arrijë objektivat e tyre, tashmë ka nisur punën për ndërtimin e një skuadre cilësore për edicionin e ri të garave.
Menaxheri i ‘The Reds’ Jurgen Klopp është duke i monitoruar disa lojtarë, dhe sipas medieve britanike, qendërmbrojtësi i Wolfsburgut, Micky Van de Ven është në listën e strategut gjerman.
“Liverpooli është i interesuar për qendërmbrojtësin shumë të vlerësuar të Wolfsburg, Micky Van de Ven”, shkruan “Fichajes”.
Van de Ven thuhet se nuk dëshiron të largohet nga Wolfsburgu, megjithatë, një ofertë joshëse mund t’ia ndryshojë mendjen asit të skuadrës gjermane.
