Lojtari i lirë, Sergio Ramos po stërvitet i vetëm pasi kërkimi i tij për një klub të ri vazhdon mes interesimit nga Inter Miami dhe klubet saudite.
Spanjolli fitues i Kupës së Botës u bë lojtar i lirë në fund të qershorit pasi kontrata e tij me Paris Saint-Germainin skadoi. Ai tani është në kërkim të një klubi të ri, por ndërkohë, ai po e mban veten në formë duke u munduar shumë në seancat e tij stërvitore solo.
Mbrojtësi 37-vjeçar është i lidhur me një lëvizje te Inter Miami që mund ta shohë atë të ribashkohet me ish-bashkëlojtarin e PSG-së, Lionel Messin.
Skuadra e Ligës Pro Saudite Al-Ahli është gjithashtu e prirur për nënshkrimin e tij në verë dhe është gati t’i paguajë atij 20 milionë dollarë në vit.
Përveç ofertave nga SHBA-të dhe Arabia Saudite, ai ishte gjithashtu i lidhur me një lëvizje në klubin e tij të fëmijërisë Sevilla, por presidenti i klubit së fundmi sqaroi se ata nuk kanë synime për ta rikthyer Ramosin në La Liga.
