Manchester United luajti dje ndeshjen e tyre të parë miqësore në Oslo në kuadër të përgatitjeve për sezonin e ardhshëm, në të cilin mundën Leedsin me rezultat 2-0.
Minutat e para me fanellën e Djajve të Kuq i ka luajtur edhe futbollisti i sapo ardhur, Mason Mount. Atij iu dha numri ikonë shtatë në fanellën e tij dhe duke gjykuar nga performanca e tij e parë, parashikimet nuk janë premtuese.
Ai, si të gjithë futbollistët e tjerë që e nisën ndeshjen, u zëvendësua pas 45 minutave të para dhe gjatë kësaj kohe, Mount nuk u shfaq shumë mirë.
Pikat e tij kryesore nga ndeshja e djeshme janë shfaqur në rrjetet sociale, ku janë mbledhur të gjitha lëvizjet e këqija që ka pasur.
“A është ky futbollist profesionist fare? Nuk do të thosha”, “David Beckham i Ali Express”, “Chelsea e shiti mirë”, ishin vetëm disa ankesat e tifozëve të klubit anglez, që në fund fitoi me golat e rezervistëve Emerin dhe Hugilla.
Kujtojmë se Mount mbërriti në Old Trafford nga Chelsea për 70 milionë eurosh, duke nënshkruar kontratë deri në verën e vitit 2028. Mesfushori luajti 195 ndeshje për Chelsean në të cilat shënoi 33 gola dhe 37 asistime dhe shënoi 5 gola në 36 paraqitje për Anglinë.
