Atletico Madrid luajti me Granadën në javën e parë të La Ligës dhe stadiumi Wanda Metropolitano kishte një “mirëseardhje” jo të ngrohtë për portugezin që dëshiron të largohet sa më shpejt nga Atletico.
Joao Felix e nisi ndeshjen në pankinë, por nuk e kishte të lehtë kur spikeri tha emrin e tij dhe i gjithë stadiumi filloi të fishkëllejë.
Kjo nuk është aspak befasuese, duke qenë se jo shumë kohë më parë portugezi deklaroi se dëshiron të veshë fanellën e Barcelonës.
“Unë do të doja të luaja për Barcelonën. Barcelona ka qenë gjithmonë zgjedhja ime e parë dhe do të doja të vija në atë klub.
Ka qenë ëndrra ime që nga fëmijëria. Nëse kjo ndodh, do të jetë realizimi i ëndrrave të mia”, tha Felix..
