Arma sekrete e yllit të Liverpool-it, Dominik Szoboszlai, janë këmbët e tij të vogla, që babai i tij thuhet se u përpoq t’i ndalonte të rriteshin.
Lojtari hungarez u transferua te Të Kuqtë për 60 milionë sterlina nga Leipzig këtë verë.
Szoboszlai luajti në Bundesliga, duke shënuar 20 gola dhe duke dhënë 22 asiste në 91 ndeshje, ndërsa ndihmoi klubin të fitonte dy kupa kombëtare dhe të kualifikohej dy herë në Champions League.
Trajneri i tij në moshë të re ishte babai i tij Zsolt, i cili luajti si profesionist në Austri dhe Hungari.
Futbollistët hungarezë kanë idhull Ferenc Puskas.
Ai shënoi 84 gola në 85 ndeshje për kombëtaren e tij, duke e ndihmuar të arrinte finalen e Kupës së Botës në 1954-ën.
Puskas gjithashtu shënoi 242 gola në 262 ndeshje për Real Madrid-in dhe konsiderohet gjerësisht si një nga lojtarët e tyre më të mirë ndonjëherë.
Legjenda, e cila ndërroi jetë në vitin 2006 në moshën 79-vjeçare, ishte shtatshkrutër dhe kishte një qendër të ulët graviteti, i fuqishëm dhe me këmbë të vogla.
Trajnerët në Hungari shpesh përpiqen të modelojnë lojtarë duke u bazuar te Puskas dhe babai i Szoboszlai me sa duket bëri përpjekje ekstreme për ta formuar atë në lojtarin perfekt.
Athletic raporton se Zsolt e detyroi djalin e tij të vishte këpucë shumë të vogla në përpjekje për të ndaluar rritjen e këmbëve të tij.
Dhe mund të ketë funksionuar pasi Szoboszlai ka një gjuajtje të fuqishme nga distanca dhe aftësi të mira teknike duke sugjeruar se ndoshta të kesh këmbë të vogla është çelësi.
Zsolt zbatoi ide të tjera unike për të ndihmuar djalin e tij të rritet në një nga talentet e rinj më emocionues në futboll.
Familja nuk kishte një kopsht kur u rrit dhe Szoboszlai stërvitej në shtëpi.
Ai u detyrua të driblonte mes shisheve të ujit të vendosura rreth shtëpisë dhe nëse rrëzonte njërën, do të duhej të fillonte përsëri.
Ylli i ri i Liverpool-it e konsideron babanë e tij si “njeriu me ndikimin më të madh në jetën time” dhe e falënderoi për ndihmën që i ka dhënë në karrierën e tij.
