Trajneri i Lirisë, Nedim Yigit është ndarë i kënaqur me ekipin e tij pas barazimit 0-0 në udhetim te Dukagjini ë ndeshjen e javës së tretë në Albi Mall Superligën e Kosovës.
Liria mori një barazim me shumë vlera në Klinë dhe kjo i ka pëlqyer trajnerit turk të prizrenasve, Yigit.
Yigit e ka vlerësuar luftën e lojtarëve të tij në fushë dhe ndihet i lumtur që skuadra e tij po krijon raste për shënim.
“Jam shumë i kënaqur me luftën e djemve në fushë.
Përballë kemi pasur tri ekipet që kanë luajtur në Evropë dhe e nisën garën më të përgatitur se ne.
Por edhe ne po punojmë që të arrijmë nivelin e këtyre kundërshtarëve”, ka thënë fillimisht Jigit.
“Jam i lumtur që lojtarët nuk u dorëzuan dhe luftuan deri në fund”.
“Ne po krijojmë raste për gol dhe kjo është e rëndësishme.
Edhe golat besoj se do të vijnë.
Nëse nuk shënojmë atëherë është përgjegjësi e gjithë ekipit, njëjtë siç është kur skuadra pranon gol”, përfundoi trajneri turk.
