Dokumentari “FC Barcelona, Una Nueva Era”, i prodhuar dhe transmetuar nga “Prime Video”, ishte një sukses i jashtëzakonshëm audience dhe si rezultat i pritjes së mire nag publiku u filmua sezoni i dytë (“Una Nueva Era II”), në të cilin përshkruhet sezoni i kaluar (2022-2023) i skuadrës së Xavi Hernández.
Duke filluar nga ky 6 shtator, tashmë janë në dispozicion katër episodet e sezonit të dytë, i cili fillon me ardhjen e Robert Lewandowski si nënshkrim i madh dhe rinovimin emocionues të Gavi. Në të shfaqen edhe pengesat e para të sezonit të kaluar, veçanërisht në Evropë.
Në një nga momentet e kapitullit të parë, pas barazimit pa gola ndaj Rayo Vallecano, në startin e La Liga-s, Xavi rrëfen se ishte në tension të madh. Madje ai zbuloi një bisedë që kishte pasur me Joan Laporta, Mateu Alemany dhe Jordi Cruyff, në të cilën apeloi për qetësi dhe besim:
“Më kujtohet një bisedë e tensionuar pas atij barazimi me bordin drejtues; me Mateu, me presidentin, me Jordi Cruyff. Iu thashë të qetësoheshin sepse ishte vetëm ndeshja e parë e kampionatit dhe se kishim barazuar”.
Xavi, më vonë tregon edhe një bisedë me Unzué, në kuadër të miqësores që luajtën ndaj Manchester City në favor të luftës kundër ALS-së, ku i dërgoi një tjetër mesazh përmirësimi të skuadrës.
“Xavi, kur ndihesh keq, të lutem mendo për mua. Në jetë shfaqen momente vështirësish, por ke arritur t’i emocionosh të gjitha. Nuk je i vetëdijshëm për fuqinë që ke për të qenë në gjendje të ndryshosh humorin e kaq shumë njerëzve”, – i shkruan Unzué trajnerit të ri blaugrana, duke e motivuar për një sezon që përfundoi me titujt e La Liga-s dhe Superkupës Spanjolle.
Kapitujt e mëposhtëm të dokumentarit “FC Barcelona, Një epokë e re” shqyrtojnë gjithashtu daljen në “pension” të Gerard Piqué, fitoren në Superkupë, shpërthimin e “rastit Negreira”, lamtumirën e Busquets dhe Jordi Alba përpara se të fitohej titulli i La Liga-s.
