Një nga video lojërat më të famshme elektronike padyshim që është ajo EA Sports FIFA, e cila luhet nga miliona njerëz anë e mbanë botës.
E për sezonin e ri EA Sports ka përditësuar vlerësimin e futbollistëve, ku vlerësime të reja kanë marrë edhe futbollistët e Kombëtares së Kosovës në të dyja kategoritë.
Lojtari më i vlerësuar mbetet kapiteni Amir Rrahmani (81), derisa pas tij vije Vedat Muriqi (80) dhe Milot Rashica (76).
Këta të tre janë tre futbollistët më të vlerësuar nga Kombëtarja A e Kosovës, derisa EA Sports ka përditësuar edhe në konkurrencën e femrave.
Erëleta Memeti është futbollistja më e vlerësuar te Përfaqësuesja e Kosovës A në konkurrencën e femrave me 80, derisa pas saj vije Viola Avduli (65).
Interesant janë edhe vlerësimet e futbollistëve për një të veçantë që kanë si shuti, pasimet, mbrojtja apo driblimet.
Vedat Muriqi është lojtari me fuqinë më të madhe te Kosova, derisa Amir Rrahmani sa i përket cilësive në defensivë.
