Shkëndija fiton 1:0 përballë Struga Trim&Lum në duelin e prapambetur nga xhiroja e dytë në Maqedoni të Veriut, i shtyrë për sot shkaku i pjesëmarrjes së kampionëve në eliminatoret e Conference League.
Aganspahiç ishte njeriu i ndeshjes, derisa kuqezinjtë me triumfin e 6-të sezonal dalin në pozitën e parë në renditje.
Kuqezinjtë nisën më të vendosur për të shënuar dhe kërcënimin e parë e solli Totre, që u ndal nga portieri Kjoshevski, derisa në anën tjetër Taleski ndali tentimin e Radeskit.
Në minutën e 25-të shkuam pranë golit kur Dita u gjet para portës, por shtylla i ndali gëzimin e tij, derisa në vazhdim Kjoshevski bën mrekullinë kur ndali goditjen e Totres.
Portieri mysafir do të dallohej me tjetër intervenim në minutën e 28-të duke qenë më i merituari që në pauzë shkuam me shifrat e fillimit.
Gjithë çka humbëm në pjesën e parë e kompensuam vetëm pas dy minutave të fraksionit të dytë kur harkimi i Çinarit gjen në zonë sulmuesin Aganspahiç, goditja e të cilit me kokë ndalet në rrjetë për epërsi 1:0 të tanëve.
Shkëndija mori përparësinë e dëshiruar dhe merituar, derisa në vazhdim lëshuam disa mundësi nga kundërsulmet që vinin nga hapsirat e krijuara nga vendosja ofenzive e Strugës. Mbrojtja jonë neutralizoi me sukses disa raste të miqve dhe në fund i’u gëzuam fitores që na çon në vendin e parë.
SHKËNDIJA – STRUGA T&L 1:0 (0:0)
Stadiumi i qytetit në Tetovë
Golashënues: Aganspahiç 47’ (Shkëndija)
Arbitër: Krumisllav Gjorgiev (Shtip)
SHKËNDIJA: Taleski, Maksimov (Shala 78’), Adili, Limani, Cake, Dita, Qaka, Totre (c), Krasniqi, Çinari (Velija 78’), Aganspahiç (Elezi 72’).
Trajner: Ardian Nuhiu
STRUGA T&L: Kjoshevski, Mazrekaj, Neziri, Bojku, Shabani (c), Radeski, Krivanjeva, Kamberi, Ukpa, Zguro (Kompaore 78’), Radiç.
Trajner: Shpëtim Duro.